NOTA de PRENSA do BNG de CEA

 a propósito da exposición do Plan Base   Municipal

O Partido Popular de Cea impide ao grupo municipal do BNG a inclusión no pleno deste pasado 28 de xullo dunha moción de urxencia sobre a aprobación inicial do Plan Básico Municipal (PBM) de San  Cristovo de Cea.

O grupo municipal do BNG, unha vez publicado no DOG do 19 de xullo de 2025 a RESOLUCIÓN da Dirección Xeral de Urbanismo pola que se somete a información pública a aprobación inicial do Plan Básico Municipal (PBM) do concello de San Cristovo de Cea e se abre un período de 2 meses para información pública e presentación de alegacións, presentou unha MOCION DE URXENCIA para a súa inclusión no pleno ordinario celebrado este 28 de xullo.

O alcalde do PP, co apoio do seu grupo, impediu que a moción fose tratada nese pleno ordinario, polo que cando se celebre o seguinte a finais de setembro xa se terá esgotado o prazo de alegacións.

Na súa moción para “QUE O CONCELLO INFORME AOS VECIÑOS DO PLAN BÁSICO MUNICIPAL E AMPLÍE O PERIODO DE ALEGACIÓNS”, o BNG pedía:

1. Que o concello organice, con persoal técnico apropiado, reunións informativas abertas nas parroquias para explicar aos veciños as características e consecuencias derivadas deste plan.
2. Ampliar o prazo de exposición pública e alegacións ata rematar o período de información.
3. Completar o PBM incluíndo todos os elementos patrimoniais que faltan por contemplar.
4. Habilitar un punto de atención á veciñanza para axudar a resolver dúbidas e asesorar na presentación de alegacións, con persoal técnico apropiado.

O BNG entende que este Plan Básico Municipal é un fracaso dun goberno que, despois de máis de 30 anos, non foi capaz de aprobar un Plan Xeral de Ordenación Municipal (PXOM) propio, elaborado desde Cea, debatido coa veciñanza e os seus axentes sociais, adaptado e pensado para a realidade deste concello e con perspectivas de futuro. Pese a ter practicamente redactado un PXOM desde fai anos, sempre se foi adiando con diversas desculpas e o alcalde nunca foi quen de presentalo.

Agora, e promovido desde a Xunta, elaboran desde fora do Concello este plan básico co que pretenden evadir un PXOM e sométeno a exposición pública durante o período vacacional, evitando que a Corporación Municipal nin sequera trate o tema e obrigando a que os veciños aleguen diante da Xunta de Galiza, quen resolverá. Este é un exemplo claro das políticas do PP, que escapan da toma de decisións que podan suscitar un debate social, tendo como fin só perpetuar o poder, lastrando o presente e futuro dos concellos que gobernan e botando balóns fora como se non tivera importancia. Elaboran un plan base onde a veciñanza só pode presentar alegacións, sen participar na toma de decisións, a cal pasa por Compostela.

Un plan desta envergadura precisa transparencia e información á veciñanza, pero o grupo de goberno unha vez máis mantén o escurantismo e a falla de información, sen explicar as características e consecuencias que deste plan podan derivarse, actuando de costas a quen supostamente din defender e que poden saír prexudicados ou favorecidos.

Por outra banda, os elevados gastos a realizar no centro da vila (máis de 700.000  €), para levantar rúas en bo estado e colocar conducións separadas para augas fluviais e  residuais de pouco vai servir se a depuradora á que se dirixen non funciona. Este tipo de inversións, repetidas nos mesmos lugares, contrasta co abandono do resto do concello, incapaces de asinar un convenio eficaz para a limpeza, cando menos, das pistas forestais, e camiños de carro tupidos de maleza e árbores.

1-ORZAMENTOS 2022 

Aprobados cos votos do PP e a negativa do BNG, non pasan de ser unha reprodución á baixa dos do ano precedente; estancados na cuantía total (2.040.000 €), nas partidas asignadas e na propia metodoloxía de execución. 

Neles non se especifican as obras a realizar, quedando toda a inversión en obra pública a criterio da alcaldía, como se de cousa propia se tratara. Contemplan 890.000 € para a partida de persoal (44% do orzamento total), onde figura un "alto cargo", en paralelo mantense á cesión de servizos en favor de outros organismos. 

2- MOCIÓN DO BNG PARA A REAPERTURA DO MUSEO LISTE DE OSEIRA

Solicitando que a alcaldía contacte e negocie cos propietarios un acordo que satisfaga ás partes e posibilite a reapertura do museo, que posúe un rico patrimonio etnográfico, histórico e cultural, pero permanece pechado desde 2011. Ubicado ao carón do mosteiro, ambos poden configurar un polo turístico importante que actúe como dinamizador do entorno.

Para elo é necesario buscar unha persoa con certo nivel cultural e dominio de idiomas, capaz de explicar a utilización e historia do material que alberga e dar a coñecer o modo de vida e a nosa historia. Rexeitada polos votos de PP.

3- MOCIÓN DE APOIO  AO SECTOR LÁCTEO. 

Nela instase á Xunta a promover un foro de encontro, debate e negociación, arbitrado pola Consellería do Medio Rural, no que teñan representación todos os actores da cadea de producción e comercialización (productores, cooperativas, industrias e comecialización) do leite e derivados (manteigas, queixos, iogures, batidos, natas, ...). Tanto para afrontar a crise que está a padecer o sector, debida ao incremento dos custos de producción, como para desenvolver unha cadea productiva con base en Galiza.

Instase tamén a que o goberno do Estado no desenvolvemento da "Lei de cadea Alimentaria" dote aos sectores productivos dunha ferramento obxectiva para fixar os custos de producción, de modo que sexan vinculantes e obrigatorios.  Rexeitada cos votos do PP.

O BNG de Cea considera, sobre todo na parte que atinxe aos alumnos-traballadores, que se concedan demasiados puntos a unha entrevista persoal (18 puntos), sendo este un baremo absolutamente subxetivo, o que desequilibra o proceso de selección mermando a importancia relativa da parte obxectiva, baseada no currículo, situación persoal e demais méritos dos candidatos.

Para os nacionalistas este proceder, responde á clara intención por parte do PP de contratar a persoas afíns, facendo uso partidista dos recursos públicos e discriminando á veciñanza en base as súas afinidades políticas.

O bradoiro dual de Emprego “Vía da Prata” contempla 10 prazas para auxiliar de albanelería e outras 10 para coidados forestais, máis 5 para dirección, docencia e administración. Financiado pola  Consellería de Economía, Emprego e Industria con 346.946,00 €, está promovido polos concellos de Piñor, Vilamarín e San Cristovo de Cea.

O orzamento prevé un 44% de gasto en persoal e só un 16% de inversión real. Non aporta ningunha novidade dirixida a inflexionar a liña decadente que ven padecendo o concello, poñendo de manisfesto a deixadez e inacción do grupo gobernante.

Manteñen un salario descarado para o actual liberado e deixan partidas abertas para que o alcalde invista a capricho.

AUDIO - Entrevista na RADIO